قبل ماأرحل

قبل مارحل عن الديره وافارق جَمعة الخلان
ابكتب حرفي الباكي وابسكب دمعتي فيها
اذا كان اللقاء صدفه بلاموعد ولاعنوان
ترى الفرقا بعد صدفه ظروف الوقت تدعيها
نعيش الوقت نترقب فرح ننسى به الاحزان
واذا جا للفرح صدفه تجي صدفه وتلغيها
ألا ليت القدر يمشي على مايشتهي الانسان
ونعيش ايامنا لقيا وبالفرحه نقضّيها
اماني والاماني للقلوب الباكيه سلوان
تخفف حزنها كلمة ياليت اللي نطريها
ولو ان الاماني والسراب ولمعته سيّان
ودنيانا كما الصحراء طوتنا قبل نطويها
ولكن وش بقى غير الاماني سلوة الوجدان
يطاردها الحزين وعارفٍ وشهي تواليها
بقى كلمه وابكتبها عساها تجذب الغفران
ترى الفرقا حبايب مهجتي ماكنت ناويها
ولكنّ القدر قرر قراره والقدر سلطان
وانا مالي على حكم القدر حيله واسويها
فمان الله يالديره فمان الله يالخلان
فمان الله ياحلو الليال وكل مافيها

طائر بلا قيود

كيف يمكننى
وصف الجمال ..!
بكلمة جميل...!
فحرفك هنا..!
كان خرير ماء
يخرق السمع والارواح بجماله
وعذوبته
أشكر عبورك من هنا..
فلصوت خطواتك نغمة مميزة
ألِفتها حروفي وكلماتي..
حتى صارت تنتظرك دائماً.