موضوع: عود كبريت (عذرية الفتاة قبل الزواج) الأحد يونيو 05, 2011 12:34 am
الفصل الاول
صعدت نهى الدرج وهي تتلفت حولها يميناًً وشمالاً وكأنها خائفة من شيىء ما..رغم النظارة السوداء التي كانت تلبسها........التوتر كان واضحاً على وجهها...فكل لحظة ترفع منديلها وتمسح العرق الذي يتصبب منه في خجل... وصلت الى الطابق الثالث...نظرت الى العيادة التي تريد الدخول اليها من الخارج.....وقرأت الافتة الموضوعة امام الباب(هند سليمان..دكتورة في الطب النفسي )....وقفت بصمت وكأنها تراجع نفسها قبل الدخول......وجدت أحدهم يخرج فأدارت وجهها بسرعة وكأنها تخشى من أن يراها.....
دخلت الى العيادة.... لم تجد غير السكرتيرة...
شكلها انيق..والجو العام للعيادة يبعث الارتياح في النفس..
تقدمت منها بهدوء
وقالت :الدكتورة موجودة؟؟؟
-نظرت اليها بطرف عينها وقالت: ايوة مين حضرتك...
-ارتبكت وقالت: نهى الجابري....
-ايوة ايوة..عندك معاد حضرتك...اتفضلي ثواني....
جلست على إحدى المقاعد تتفحص الغرفة بتأني...وتنظر الى الباب والخوف يملؤها من أن يدخل شخص ويعرفها....وما هي الا ثواني حتى خرجت السكرتيرة لتخبرها بأن الدكتورة هند في انتظارها....
دخلت في خجل..جلست على الكرسي مقابل المكتب...خلعت النظارات...وتنهدت بعمق...
-ماما موجودة..بابا متوفي من اربع سنين كان موظف في الحكومة....
-حاسة بأيه قوليلي....ايه الي شغلك...
صمتت نهى ولم تنطق بحرف كأنها لا تريد أن تفصح عما يعتريها.......شعرت الطبيبية بذلك فقالت لها...
-طيب تحبي نتكلم وانتي متممدة...مش افضل...
هز
ت نهىبرأسها..واتجهت لوحدها الى السرير وفردت جسدها عليه وتنفست الصعداء....
-كل الي بيدخلو عيادة طبيب نفسي....بيشعرو بخجل ورعب....مع اننا والله ما بنخوفش.....كأنهم حيخشو مستشقى مجانين..مع ان الأغلبية بيعانو من حاجات بسيطة...واعتقد انتي منهم...
-نظرت نهى اليها في أسى وقالت: حكايتي مش بسيطة خالص....
-نظرت نهى بعيداً وقالت: احكيلك عن مأساتي...ولا طفولتي ..ولا ضياعي.....
-ايه رأيك نتكلم في حاجات جميلة....طفولتك ولعبك.....
-طفولتي!...ابشع حاجة في حياتي....يا ريتني ما ولدت ياريتني ما ولدت(وضعت يدها على وجهها وبدأت بالبكاء)
تركتها تبكي لوحدها.....احضرت حقنة واقتربت منها بهدوء....
-دي حتهديكي وتريحلك اعصابك.....(حقنتها بها وما هي الا دقائق حتى ذهبت نوبة البكاء التي اجتاحتها)
-كده مش احسن...؟
هزت نهى رأسها بصمت..كطفلة صغيرة تحتاج الى من يضمها....
-احكيلي عن لعبك..ماما ما كانتش بتجيبلك لعب؟؟؟
-لق...انا ماما عمرها ما جابتلي حاجة حلوة...كانت ديماً تضربني...لما اغلط لو غلطة صغيرة..وتحرمني من لعبي لو وسخت هدومي....كانت ديماً تتخانق مع بابا عشان الموضوع ده...
-انتي مش بتحبيها؟؟
-بحبها....
-وهي بتحبك؟؟
-اه بتحبني.....بس بتحب عمر اكتر
-مين عمر اخوكي...
-اه اخوية..كانت ديماً بتجبلو اللعب والهدوم وما بتضربوش.....
-ايه اكتر حاجة فاكراها في طفولتك.....
- طفولتي هي سبب مأساتي...كلها.......
-ليه؟؟؟
-في يوم..كنت بلعب زي اي طفلة بتلعب....كان عندي تسع سنين...
..........................
كانت نهى تقف على الكرسي وتقفذ هي واولاد الجيران...ومن يقفذ من دون ان يقع هو الرابح...وكانت نلعب في احدى الحدائق ووالدتها تتحدث مع نساء الحي....كانت ارض الحديقة ممتلئة بالحصى الكبيرة....وقفت مريم وقفذت وسط تشجيع كثيف من البقية لها.....ووقعت على الحصى...تألمت كثيراً وخشيت ان تقول لوالدتها.....لكي لا تؤنبها او تضربها...وبقيت تتألم في صمت.....
........................
-فضلت يومين موجوعة بجد..ما كنتش عارفة ايه الي حصلي..دخلت الحمام..ولقيت على هدومي الداخلية بقعة دم...خفت اقول لماما....وبعدين عدا الموضوع على خير..ما كنتش عارفة ايه الي حصل...واليوم ده سبب مأساتي...سبب مأساتي......كل حياتي توقفت من بعد اليوم ده..الي ما بيروحش من بالي ولا لحظة....في اليوم ده فقدت عذريتي بسبب الوقع دي...
(شعرت انها أمام حالة جديدة من نوعها وتستحق الإهتمام والإلمام بالموضوع من مختلف الجوانب والسؤال المباشر في هذه الحالة لا يفيد بشيىء لعل اسلوب اللعب على الأسئلة يفيد أكثر)
-نظرت اليها الطبيبة بإهتمام وقالت: ماما كانتش بتاخدك معاها لما تروح من البيت؟
-لق كانت تسيبني لوحدي..ما بتاخدنيش معاها...تقولي الصغرين ما يروحوش ويقعدو في مكان الكبار بيتكلمو....حتلى لما كان حد بيجي عندنا تدخلني قودتي وتقفل الباب..تقولي ممنوع تطلعي غير لما يروحو...
-وكنتي بتعملي ايه في الوقت ده؟؟؟
-بحط ودني على الباب عشان عاوزة اسمع بيتكلمو في ايه..افضول كان بيشدني.....
- تنهدت قائلة: في يوم....ماما سبتنيي لوحدي في البيت وطلبت مني اكمل مذاكرة واخدت معاها اخوية عند ستي...قمت خلصت مذاكرة ووقفت في الشباك..كان عندي 7 سنين...شفت ابن الجيران اسمو احمد..واقف ومعاه لعبة حلوة..
.................................
-انت معاك ايه يا احمد...
-معاية لعبة تجنن...تمشي مجرد ما تربطي العقرب ده...
-انا حقول لماما تجيبلي زيها...
-خديها انا مستعد اديهالك...
-اخدها ازاي.....
-تعالي انزلي تحت وانا اديهالك...
-ما قدرش ماما مش هنا وقالتلي ما اخرجش برة البيت خالص..
-ليه؟
-مش عارفة ماما قالت كده..
-اطلعي اطلعي..دي حلوة تسليكي...
نزلت نهى الى اسفل المبنى حيث التقت احمد واخذت منه اللعبة..في هذا الوقت كانت الأم قد عادت ووجدت مريم في الشارع....
امسكتها بعنف وصعدت بها الى البيت..
-انتي ايه الي منزلك..ان ما وريتك...انتي بتعصيني..عاوزة تبقي زي بنت خالتك..المدلعة قليلة الادب......اطلعي..محرومة من المصروف اسبوع...اطلعي...ده حديكي علقة....
كانت نهى تبكي..وبررت فعلتها....ولكن الأم صعدت ورمت اللعبة التي اعطاها لها احمد من النافذة ومريم تبكي وتعتذر لوالدتها..
-والله يا ماما اخر مرة مش حيحصل تاني....
........................
نظرت مريم الى الطبيبة وقالت والدموع ترافقها...
-كانت ماما ديماً بتعاقبني....لأني بنت...واخوي عمرو ما اتعاقبش.....كان الغلط مرفوض..عاوزاني ديماً بنت مؤدبة العيبة ما تتطلعش مني...كانت خايفة اني يوم اغلط واجبلها العار زي سامية...
-سألت في استفهام: مين سامية..
-بنت خالتي...امها وابوها دلعوها اوي...كانو يجبلوها الي عاوزاه....لغاية ما كبرت وعصتهم وبتعمل الي عاوزاه...
-انتي بتلاقي تصرفاتها كويسة نفسك تكوني زيها؟
-قالت بسرعة: لق لق...سامية بنت مش كويسة...وماما مرة ضربتي بالقلم على وشي لاني كلمتها وركبت معاها ومع واحد تعرفو العربية....
-كان عندك ام سنة.؟؟؟
-اربع تعشر سنة...كنت في اعدادي...اصلي كنت مرعوبة...في المدرسة..لقيت هدومي كلها متوسخة ...كانت اول مرة تحصلي الدورة الشهرية..قمت خفت امشي في الشارع كده..وقعدت اعيط مش عارفة حصلي ايه..قامت سامية قالتلي اروح معاها ووافقت لاني ما اقدرش امشي لوحدي كده في الشارع.....زبس اكتشفت بعدها ان واحد تعرفو هو الي حيوصلنا بالعربية...وافقت ما كنش في حل تاني...وماما شافتني..وضربتي بالقلم على وشي...
-قلتليها السبب؟
-اه...بس زعقت فية جامد....وضربتني....وطلبت مني اني اغير هدومي..وبعدها جت واديتني حاجات عشان الدورة الشهرية وقالتلي دول عشانك...كل ما يحصلك كده تقوليلي...
-حاولتي تسأليها...
-اه..ما ردتش علية...قالتلي اوعي تتكلمي في الحاجات دي قدام حد..كلو عيب...كان كلو عيب..كلو حرام..افتكرت انا لوحدي الي بيحصلي كده..لغاية ما سمعت من صحباتي ان ده عادي والكل بيحصلهم كده..افتكرت اني مش طبيعية....
-درستي التمريض فين؟
-في معهد..وماما هي الي نقتلي الحاجة دي...
-نظرت عندها الطبيبة الي أصابع نهى وقالت: انا شايفة في ايدكي الشمال دبلة جواز...مين الي لبسك الدبلة دي....
موضوع: رد: عود كبريت (عذرية الفتاة قبل الزواج) الأحد يونيو 05, 2011 1:25 am
الحفاظ على العذرية صار موروثا ثقافيا اجتماعيا ،يوجب الحفاظ عليها من منطلق شعبي يكرس مبدأ “أنا عذراء إذن أنا موجودة”إذا ما ضيعت هذا الكنز من وجهة نظر العائلة المتماشية مع أعراف وتقاليد المجتمع تكون قد داست على كرامتها ومرغتها في الوحل ،وحل الفضيحة، وصارت وصمة عار بجبين الأسرة مهما توالت السنين.
بكل أسف لما أصبحت العذرية معيارا عند الرجل وأسرة الفتاة أصبح التمويه والتدليس مسيطرا على عقول الفتيات لكي ترضي غرور الرجل وعنجهيته فصرن يلتجئن إلى أساليب ما أتى الله بها من سلطان ، فمنهن من يلتجئن للجراحة لعمل ما يصطلح عليه طبيا بالترقيع، لإيهام الزوج أنها عذراء،كيف يرضى على نفسه أن يعيش حقيقة مزيفة ومع امرأة غير واضحة ،كيف له أن يرضخ لعبودية الأعراف البالية ويصدقها ويغفل الجانب العلمي والحقائق الطبية ؟؟ومتى كان ديننا الحنيف معارضا للطب ؟أيهما أهون عليك أيها الرجل العربي أن ترضخ لعرف ساخر أم تصدق حقيقة طبية؟ أنا هنا لست في معرض اتهام أحد أو الدفاع عن أحد ؟ أنا لا أبرئ المرأة التي تتخذ من الإباحية الجنسية مشوار حياتها بدعوى الانفتاح أو تكريس حق الممارسة الجنسية كما تطالب بعض المنظمات النسائية، لأنها هي التي تضع نفسها في قفص الاتهام وتطلق العنان لمجتمعها يحكم عليها بما شاء وكيف شاء؟ بنفس الوقت أطالب الرجل المغربي أن لا يرضخ لثقافة العرف ويصدقها ،ويضح الحقيقة الطبية والعلمية نصب عينه متى أراد أن يحكم على تلك الفتاة التي أراد الارتباط بها بالفتاة العفيفة أو الغير الشريفة من وجهة نظره،نحن مطالبين اليوم بتغيير عقلياتنا وتحررها من كل عرف بالي وتقاليد تكرس الهجران ،وأن يتغير مقياس الشرف عندنا إلى أبعد من العذرية و يركز اهتماماته على معايير أخلاقية و إنسانية ******************************************* شكرا ملك تطرقتي الى موضوع مهم جدا في مجتماعاتنا الحالية العربي في انتظار بقية الفصول
malk kum أعضاء
العمر : 34
نقاط : 23671
تاريخ التسجيل : 30/05/2011
الهوايه :
المهنة/العمل :
الجنس :
الابراج :
السٌّمعَة : 0
تاريخ الميلاد : 01/10/1989
الموقع : https://www.facebook.com/profile.php?id=100000034591510
موضوع: رد: عود كبريت (عذرية الفتاة قبل الزواج) الأحد يونيو 05, 2011 1:45 am
فعلا مع الاسف فى بناااااااااااااااات كتير اوى بتعمل العملية دى عشان تبان انها شريفة لكن لو حصها كدة بدون قصد يعنى زى نهى اوى بطريقة اخرى كانت معملتش هيك وتضحك ع زوجها
انا هنزل الفصل التانى
malk kum أعضاء
العمر : 34
نقاط : 23671
تاريخ التسجيل : 30/05/2011
الهوايه :
المهنة/العمل :
الجنس :
الابراج :
السٌّمعَة : 0
تاريخ الميلاد : 01/10/1989
الموقع : https://www.facebook.com/profile.php?id=100000034591510
موضوع: رد: عود كبريت (عذرية الفتاة قبل الزواج) الأحد يونيو 05, 2011 1:50 am
الفصل الثاني
كانت نهى فتاة نشيطة في عملها الجميع يحبها في المستشفى الذي كانت تعمل فيه....مجتهدة لأقصى الحدود رغم انعزالها الدائم عن جميع من حولها...ولكنها لفتت الأنظار بجمالها البسيط بدون مساحيق وتهذيبها واحترامها لزملائها والتزامها بدينها........... كانت تقضي الصلاة في مواعيدها ولا تحب التخالط كثيراً....الجميع كان يعتبرها اختاً له...الا...شريف...كان طموحه اكبر من الأخوة...كان يرغب في الاقتران بها....
كان شريف يعمل معها في نفس المستشفى ولكن في قسم التحليل ....كان يحب عمله جداً...انسان محترم وخلوق...أعجب بنهى...وأعلن عن اعجابه لها مرات عديدة....كان تصده ولا تعيره اي اهتمام... أبقت هذا الأحساس يراودها بصمت من دون الإفصاح عنه....حاول مرات عديدة التقرب منها ولكن كان لا يجد منها سوى الرفض....كانت تخاف من ان تكلم شاباً...ترتبك وتكاد تموت من الخوف اذا نظر احد الى وجهها نظرة اعجاب...كانت تخاف من أن تتحدث مع اي رجل...وهذا ما كان يبعدها عن شريف..ولكن يقرب شريف منها ااكثر واكثر...
الا ان صارحها يوماً برغبته في الزواج منها ولحق بها....ليعرف مكان سكنها.....
.............. - لما قالي انو عاوز يتجوزني فرحت اوي...حسيت اني في حد اعجب بية..في حد شاف فيني حاجة حلوة....بس بعد ليلة الدخلة كل حاجة اتغيرت بقيت ابشع انسانة في الوجود بقيت ولا حاجة......
- ممكن تحكيلي اكتر ايه الي حصل في اليوم ده؟ .......................
سرحت نهى الى ذكرياتها الأليمة...تتذكر هذا اليوم...الذي تعتبره اي فتاة اجمل يوم في حياتها...الزغاريد تملأ المكان...فستان زفاف...زينة جميلة..الجميع سعيد...تنتظر في لهفة قدوم شريف...الذي سيصبح بعد دقائق زوجها على سنة الله ورسولة...كانت سعيدة جداً...تلمس وجهها البريىء غير مصدقة انها ستصبح امرأة وسيدة بيت مستقل لها وحدها تفعل فيه ما تشاء...فرحة بانتقالها الى عالمها الأخر الجديد الممتلىء بالبهجة والسرور......الي بيتها البسيط الذي يتألف من غرفتين فقط..ولكن شريف أحضرهم لها من تعبه وجهده طوال السنين الماضية....لتكون فيه كالملكة........
وسط الفرحة العارمة علا صوت يقول: العريس جه العريس جه.... واخيراً تحقق حلمها...وجلست بجانب شريف..أصبحت زوجته...تنظر اليه غير مصدقة انها بجانب من احبت بصمت..وهو غير مصدق انه بجانب من تمنى ان تكون زوجة له منذ أن رأها لأول مرة.... ولكن بعد ان وصلت الى بيتها ..دخلت الى غرفتها...ضاع وانهار كل شيىء...... ..............................................
- مش قادرة افتكر الي حصل كل ما بفتكرو بحس اني ضعيفة اوي.....خاصة لما كنت بشوف الغضب مالي عنيه.......وهو قاعد يزعقلي ويقولي..انا اتغشيت فيكي...انا مش قادر اصدق انك كده....انتي ملاك طلعتي شيطان شيطان........وقعد يعيط زي الاطفال....تخيلي واحدة يوم فرحها..يتقلها كده..
(وعادت بذاكرتها الى هذا اليوم الأليم..الى الحوار الذي تم بينها وبين شريف..من غير الممكن ان تنساه) ................................... - أمسك بيدها بعنف وبدأ يهزها: انتي مش ممكن تكوني بني قدمة شريفة..انتي سامعة..انا اتخميت فيكي..اتخميت فيكي...... (امسكها بقبضة يده وذهب الى المطبخ واحضر سكيناً ورفعه في وجهها..بدأت بالصراخ) - شريف..انت بتعمل ايه...والله ان بريئة من كل الي بتقولو..انا عمري ما حد لمسني..والله عمري ما حد لمسني.... - صرخ فيها واشهر السكين في وجهها: كدابة..كدابة..انتي مش بنت اساساً....مش بنت.... - والله عمري ما حد لمسني بقلك...والله ما عرف ليه كده..والله...صدقني..ابوس رجلك..
(ارتمت على قدميه تريد منه ان يصدقها....في هذه اللحظات رمى السكين وجلس على الارض وبدأ بالبكاء)
- مش قادر اصدق حلم عمري راح راح..البنت الطاهرة الشريفة الي طول عمري اتمنتيها زوجة لي..تحفظني وتصوني...اامنلها دلوقت ازاي.......ازاييييييييييييي؟! .........................................
- في اليوم ده بذكر ان جالي انهيار عصبي جامد...شريف رغم كده...راعاني...وجبلي دكتور........بعدها بيومين انا روحت لدكتورة نسائية..طلعت فعلاً مش عذراء....من زمان كمان....ولما حكتلها عن الي حصلي وانا صغيرة..أكدت ان ده السبب.....قوولت لشرريف ما صدقنيش..قلي لو كان حتى مظبوط الشك طول عمره حيفضل ماليه.....وقلي..تفضلي عندي...شهر واحد بس..كل واحد مننا ينام في قودة..بعدين نطلق بهدوء..وكل واحد يا بنت الناس يروح في حاله..لا من شاف ولا من دري.....
-ايه حدود تعاملك مع الرجالة في حياتك؟؟؟
- ما بتعملش ولا بكلم رجالة..... كانت ماما تخوفني منهم بشكل فظيع...كانت منعاني اني اكلم ولاد خالي وعمي كل ولاد العيلة تقريباً....تعرفي...ماما ما كانتش متدينة....ما كانتش بتصلي....بس الابلة في المدرسة هي الي علمتني اصلي ازاي..وكنت الوقت الوحيد الي بحس فيه بالراحة لما بصلي....ماما يوميها لما شافتني بصلي انبسطت....اول مرة بشوفها بتضحكلي بجد....ماما عمرها ما ضمتني..عمرها....عمرها ما بستني حتى.......نفسي ابوسها قبل ما تروح من ايدي(نزلت دمعة حرقة من عينيها)
- انا يا دكتورة حتجنن بجد...مش قادرة استوعب حياتي كده.....
- انتي الي حصل عندك يا نهى حادثة....انما احداثها جواكي من الطفولة....ان شاء الله حنقدر نتخطاها مع بعض...يوم التلات الي جي..تيجي عندي..في الوقت ده تاخدي الحبوب دي....حتريحك..في الفترة دي على الاقل لحد ما شوفك مرة تانية ونكمل دردشة مع بعض....
غادرت العيادة وهي في غاية اليأس....وصلت الى منزلها...جلست على السرير...كأنها تريد ان ترتاح وتنام نوماً عميقاً لمرة واحدة منذ يوم زفافها.....تصرفات شريف القاسية معها تخنقها لم تعد تطيق هذه الحياة بهذا الشكل العصيب... دخلت بعدها المطبخ لتحضر لشريف الطعام عله اذا جاء في المساء يجدها مهتمة به...
ولكن كالعادة اتى شريف الى منزله بعد منتصف الليل.....كانت نهى جالسة على الاريكة ونصف نائمة تنتظره....ولكنها ما ان سمعت صوت المفتاح وهو يدخل في الباب...حتى استيقظت مسرعة... نظر اليها بصمت....كان وجهه شاحباً...ومظهره العام يوحي بأي شيىء الا مظهر عريس في الشهر الأول من الزواج..... -قالت في اهتمام: احضرلك العشا.... -نظر اليها بغضب وقال: مش عاوز منك حاجة......لو سمحتي ادخلي قودتك عشان عاوز انام هنا... - قالت بغضب: انت لغاية امتى حتفضل تعاملني كده...طلقني وريحني.... - هو شهر بس....يخلص..ويعدي.....مستعجلة اوي على الحرية..عاوزة تفلتي زي الاول على كيفك...
- اانا ما سمحلكش....خلاص مش قادرة على الكلام الجارح الي بسمعو كل يوم...انت مش عاوز تصدقني ليه ليه.....انت حتجنني اقتل نفسي قدامك وارتاح...ارتاح....ربنا ما بيرضاش بالظلم وانت بتظلمني في اليوم الف مرة..حرام عليك بقة حرام عليك....
نظر اليها والشرار يتطاير من عينيه....ولكنها اسرعت بالدخول الى غرفتها واقفلت الباب....اما شريف فجلس يبكي بصمت....لمح اطاراً معلقاً على الحائط....في داخله صورة له مع نهى ايام الخطبة.....امسك بألة حادة ورماها على الاطار ..حطمه.......كأنه يحطم قلبه الذي أحبها ....
موضوع: رد: عود كبريت (عذرية الفتاة قبل الزواج) الأحد يونيو 05, 2011 2:35 am
انا اكتر منك متعاطفة معاها البنت اتظلمت كتير دون سبب لشئ لا بيدها شئ انا بنزلها ومش قادرة اقرأها تانى بس انا متأكدة انك عايز تعرف الباقى هههههههههههه هنزلك بكرة كام حلقة اوك
طائر بلا قيود المدير العام
العمر : 32
نقاط : 80282309
تاريخ التسجيل : 31/03/2011
الهوايه :
المهنة/العمل :
الجنس :
الابراج :
السٌّمعَة : 3
تاريخ الميلاد : 01/11/1991
الموقع : https://amer2020.yoo7.com
الأبراج الصينية :
موضوع: رد: عود كبريت (عذرية الفتاة قبل الزواج) الثلاثاء يونيو 07, 2011 4:36 pm
تروق لي ذائقتك الأدبية كثيرا...وحسك العالي المرهف الرقيق وبراعتك في انتقاء المواضيع ولاأستطبع اختي الا أن اقف على اعتاب بوحك شاكر لك هذا الهمس الرخيم المعزوف على اوتار الحب تقبلى مروري الصامت ولك مني فائق الاحترام والتقدير وبارك الله فيكى على ما تقدمى لنا من مواضيع جميله