بحبك...ليه احبك؟

موضوع: بحبك...ليه احبك؟ الأحد مايو 15, 2011 6:21 pm

بحبك وما بعرف ليه ...!!!

وما بعرف شو اللي بيني وبينك !!!

هو بيني وبينك من حياتي وقت قصير كتير ...

مو كل أيامي معك !!!

بس اللي بقلبي إلك , شي ما فيني إحكي عنّو ..

مو لأنّو ما في كلام ..

بس لأنك فوق كل الكلام !!!

وافترقنا يا قلبي !!!

بس ليه افترقنا ما بعرف ..

يمكن أنا اللي ظلمتك ..

ويمكن يكونو هنن ظلموني ..

عقلي عجز يستوعب القصة اللي بتربطني فيك ..

وقلبي احتار من نبضو بحبك !!!

هو صحيح نحن افترقنا!!!

وكمان صحيح عم نعيش بعيد كتير !!!

وما بعرف لو كنت راح أكمّل مشواري معك أو بدونك !!!

بس كل اللي بعرفو , إنّو اسمك فوق شفاهي ,

وإنّو سكنك داخل قلبي ,

وإنّو حبك استوطن روحي ,

والغريب !!!!!

إنّو كل طريق بمشيه بيودّيني عندك ..

وبياخدني لعيونك ...

وغصبٍ عني بسأل:

كيفك , شو أخبارك؟؟

واللي مو راضي يتفسّر ,

ليه صبري تعب عجز يلقاك ؟؟

وليه الوقت هرب بوعدك ؟؟

وصارت ناري بحبك قبائل غضب وإعصار

وصار عشقي إلك : هوا بركان ,, وتلج مجمّد

وكلما هربت من تفكيري فيك..بتخاطر روحي المحن بقلبك ..

بيقهرني غدرن فيك ..

وبيكسرني سكوتن كرمالك ..

وبسأل اكتر و أكتر :

ليه هالظلم كلّو ؟؟

ليه يا سوري؟؟

ليه يا سورية؟؟

ياااااااااااااا سوريا ..

بحبك لو عمري عندك راح ..

صح ما عشتو كلّو فيك .. بس بتمنى ينتهي بأرضك , وفوق ترابك ...

قومي يا قلبي !!

اوقفي متل العادة !!!

لا تخلّي رياح الغدر تهزّ جبالك ..

ابقي فوق وفوق وفوق ..

خلي نسورك يبقو يطيرو ..

وخلّي أسودك ما يهابو كلاب الصيد ..

وخلّي فرسانك ما تردّها ذئاب الخيانة ...

خلّي كل " حرّة " فيك تكون" زنوبيا " جديدة ..

مو إنتي يا بلدي الغالي ..

مو سوريا بحنو ضهرا ..

و مو سوريا بيدوسو حماها ..

قومي يا إمي الكبيرة ,,!!

فيقي !!!

لمّي شمل ولادك ..

اجمعي ارواحهم ..

ضمّيهم بحضنك الغالي ..

وانتو كمان يلاّ قومو!!!

يلاّ إخواتي النسور !!

يلاّ إخواتي الاسود!!

يلاّ إخواتي الخيّالة !!

يلاّ إخوة خولة والخنسا !!

يلاّ إخوة جميلة ودلال !!

يلاّ إخوة حميدة وسناء !!

خلّونا نرجع لبلدنا ,

ما في بعد حضن الإم دفا ..

وما في متل قلب الإم أمان ..

بحبك يا بلدي .

طائر بلا قيود
كلماتك بغايت الجمال تسلم اناميلك

أشكرلك هــــذا المرور الذي

طالما أسرني بجمالـــه حروفه...

فحضور عاطفتك هذا مايتميز به مرورك العبيـــر ..

كل ورود شكري تتراقص في حدائق وجدانك الغناء ..

لاعدمت أعذب مرور..ودام تواجدك مضئ صفحاتي ..

تحيتي لشخصك

طائر بلاقيود

ماأجمل تلك المشاعر التي
خطها لنا قلمك الجميل هنا
لقد كتبت وابدعت
كم كانت كلماتك رائعه في معانيها
فكم استمتعت بموضوعك الجميل
بين سحر حروفك التي
ليس لها مثيل

يسلمووووووووو

أشكرلك هــــذا المرور الذي

طالما أسرني بجمالـــه حروفه...

فحضور عاطفتك هذا مايتميز به مرورك العبيـــر ..

كل ورود شكري تتراقص في حدائق وجدانك الغناء ..

لاعدمت أعذب مرور..ودام تواجدك مضئ صفحاتي ..

» ليتنى احبك
» اسفة انا احبك